måndag 20. april 2009

Fritt Ord til bursdagsbornet?

Heftige protester i øyret til tross, så må eg seie dette. Det finnes så mange meir verdige kandidatar til Fritt Ord prisen enn Nina Karin Monsen. Kva med dagens bursdagsbarn? Doffen! Dette sjarmtrollet frå austerriket som tok heile Europa med storm på 40-talet. Som mange store kunstnarar, han var ein målar med store ambisjonar om å teikne plantar, byggverk og nye grenser på kartet, så valte han å ta sitt liv då hans karriere var dalande, men ikkje før han hadde skreve ein provoserande politisk best seller og haldt fleire talar som gjekk verdssamfunnet midt i mot. Han var ein uredd mann, med særs upopulære og, vil eg hevde, ganske hårreisande meiningar. Slik sett ikkje så ulik årets vinnar av Fritt Ord prisen. Han sjikanerte til og med homofile, i alle fall følte hans gamle stridsfelle Ernst Roehm seg ikkje så pent lite sjikanert då han vart slengt i kasjotten, og seinare drept. Den store forskjellen er vel den at Doffen var i stand til å føre ein høfleg samtale med andre, og argumentere for si sak utan å ty til lusne personkarakteristikkar (utanom av jødane då, og då tok han jommen meg hardt i òg) - berre spør hans gamle motdebattantar Chamberlain og Stalin.

Eg veit! Eg veit! Ein skal ikkje drive med Hitling. Eg likar ikkje Hitling sjølv! Men eg berre måtte, dessutan er det jo Doffens bursdag! Han vart fødd 20. april 1889, og ville difor ha vore 120 år i år. Og så var det Holocaustdagen i dag... og så slengte Ahmadenijad med leppa att og ville utrydde Israel. Og så var eg irritert på Nina Karin Monsen.

Det var simpelthen berre for vanskeleg å la vere. Me culpa. Tilgje meg?

4 kommentarer:

  1. Eg går ut ifra at du feira dagen med kake og nystrøket brunskjorte?

    Tolo Von Grunge

    SvarSlett
  2. Kven sa eg feira? Er du smaklaus eller? ;-P

    SvarSlett
  3. Du er åpenbart ikke alene om å reagere negativt på tildeling av Fritt ord prisen:
    http://www.dagbladet.no/2009/04/24/kultur/litteratur/fritt_ord/kim_friele/nina_karin_monsen/5894067/

    SvarSlett
  4. Ja, er klar over det. Har vurdert å kommentere den saka der.

    SvarSlett