måndag 27. april 2009

Kone på direkten

Å kjøpe seg ei brud i utlandet vert jo meir og meir vanleg, og om du ikkje får tilbodet som spam i inboxen, så får du det som reklame andre stader. Som i dei fleste bransjer er konkurransen hard, og då er det viktig å ha kjapp leveranse av gode produkt, og eg var difor ikkje særleg overraska då eg oppdaga Kone Direct.Held inne knappen i ti sekunder og du får kontakt med ein av våre kundebehandlarar. Snasent. Før var du nøydd å nytte internett og postordre, men dagens samfunn forlangar meir. Vi forlanger ei hustru som ein kan plukke opp. Cash & Carry, som var det store slagordet då eg var ung. Det kallar vi service... men vent litt! Kva står i den lille skrifta? Kone hissar? Dei hissar deg opp? Eller hissar dei seg? Er dei hissige?!

Som med dei fleste kjøp (eller ekteskap) så kan ein aldri vere sikker på kva ein eigentleg får. Det kan vere noko anna enn det som er reklamert, eller ting bryt saman over tid. Vedlikehald av ei kone er ikkje alltid like lett, men nok ein gong er Kone Direct foran dei andre i bransjen. Dei tilbyr service døgnet rundt på eiga telefonnummer dersom noko skulle vere gale med kona di!
Eg kan ikkje seie anna enn at eg er mektig imponert. Dersom det hadde vore mogleg å knytte allereie eksisterande koner, som evt. er skaffa på anna vis (kurtise, bortføring og hypnose), til denne same type serviceordning, mot ei låg avgift, hadde Kone Direct absolutt kunne tatt over marknaden fullstendig.

For all del, eg ser det på dykk. Det er ein del av dykk som er skeptiske. De meiner eg les for mykje inn i namnet, at Kone Direct kanskje ikkje er eit selskap for bestillingsbruder. Greit, eg kan sjå den. Det finnes eit anna openbart alternativ.

Kone Direct kan vere eit Call-system, slik at kona kan få direkte kontakt med deg når du sitt for deg sjølv på guteromet.
Eit slags baby-call system, berre for godt vaksne og gifte menn. Personleg så trur eg at det høyres ut som ein langt mindre tiltalande idè, men det er greit for meg om de vil tru at det er dèt det er snakk om.

5 kommentarer:

  1. Som den feministen jeg er ser jeg selvsagt dette fra kvinnesynspuktet, og hva jeg vil vite er om de har en tilsvarende tjeneste for oss kvinner som gjerne vil ha en god mann med en grei serviceordning til rimelig pris?
    Og i så fall, hva er nummeret deres?

    SvarSlett
  2. Troll: Eg veit!

    Marina: Eg deler ikkje ut nummeret mitt offentleg ;-)

    SvarSlett
  3. eg har bruk for den kone, mullah

    cigaal

    ps
    Salutes Karin Nina Monsen

    SvarSlett
  4. Det er berre å bestille... men eg veit ikkje om Nina Karin Monsen er glad i slike kjærleikslause forhold. Evt born vert jo byttingar då ;-P

    SvarSlett