måndag 6. april 2009

Mira Craig 2012

Mira craig er farleg, det veit vi. Og ho er i Pandamoniums teneste, det veit vi òg. Men ho er heller ikkje særleg smart, la oss innrømme det. Ho er lettlurt og naiv, som pandaagentar flest. Dette må vi kunne utnytte.

Mira Craig vert til stadig overvelda av den merksemda pressa gjev henne, noko som får henne til å røpe meir enn ho burde. Som si klokkefaste tru på "the Secret", som i følgje henne er basert på "kvantum fissiks liksom", men som like gjerne er basert på ein hjernesvulst.

Hennar siste utspel er nøkkelen vi lenge har venta på. Nøkkelen til å forstå Pandamoniums plan. Til pressa fortel den villfarne jenta at ho utelukkar ikkje dommedag i 2012 i henhald med Maya kalendaren. I det minste forventar ho ei stor endring.

Vi kan sjølvsagt avvise dette som nok eit utspel frå eit menneske som har vist seg å vere intellektuelt utfordra. Det er jo ikkje akkurat lett å ta den slags seriøst, men kanskje ligg det meir bak? Kanskje dette er eit forvridd resultat av hennar hjernevasking? Kanskje det faktisk er snakk om at ho umedvite veit at 2012 er ein viktig måldato for Pandamonium? Ho seier jo at det ikkje nødvendigvis er dommedag, men ei stor omvelting som vil inntreffe.

Kameratar, takka vere det neket har vi no ein dato å forhalde oss til: 2012. Vi må gjere alt for å vere klare til då. Bygg bunkers. Kjøp hermetikk. Skaff våpen!

Vi må kjempe med nebb og klør mot Pandamonium når dei slår til i 2012.

Eg lurar på om vi burde kidnappe Mira Craig og få henne til å lekke meir. Vi kan forfalske ein pressekonferanse, ho ser ut til å seie kva som helst om det er ein mikrofon og eit kamera i nærleiken...

4 kommentarer:

  1. Nå må du ikke gjøre narr av "The Secret". Den har visst hjulpet selveste Hulk Hogan gjennom noen harde perioder.

    Og du må heller ikke utelukke dommedag i 2012. Vi har vært lovet at dommens dag er rett rundt hjørnet i en del tusen år nå, så snart må det jo være sant.

    Jeg synes du skulle invitere frøken Craig til å forelese på Absalong.

    SvarSlett
  2. Du kan få lage plakaten, den kan vi auksjonere vekk... men invitere henne gjer vi aldri!

    SvarSlett
  3. "The Secret" ja.. kvalitetsbok har jeg hørt.

    SvarSlett
  4. *fnis* eg tykkjer ikkje eg dømmer boka for hardt ;-P

    SvarSlett