måndag 7. september 2009

Musikalsk perle: Muslimgauze

Å flykte inn i musikken for å sleppe unna vanviddet som er den pågåande valkampen er vel ein gyldig strategi? Eit band som det gjer overraskande godt å flykte til i slike tider er avdøde Bryn Jones sitt noise-prosjekt Muslimgauze.

Prosjektet oppstod i følgje Bryn Jones som ein reaksjon på Israels invasjon av Libanon i 1982, og utvikla seg deretter. Muslimgauze var alltid eit prosjekt prega av høg produksjon, men det tok heilt av på 90-talet. Opphaveleg var Muslimgauze for det meste tilgjengeleg på kassettar i begrensa opplag, men etterkvart vart både vinyl og CD aktuelle format. Dette gjer at opptak du finn på nettet av eldre plater, gjerne ikkje er av verdas beste kvalitet, men det bør ikkje hindre deg i å kaste deg over dei.

Muslimgauze er noise. Og er difor per def utilgjengeleg for den gjennomsnittlege lyttar, men å ikkje gje prosjektet ein sjanse er å gjere deg sjølv ei bjørneteneste. Skaff deg ei plate, og sett den på. Lukk auga og lytt, og gjennom støyen og kakofonien av lyden vil du finne deg sjølv transportert til fjerne strøk. Nærare sagt, til den fjerne austen og midtausten. Her er det både industriell støy og tradisjonelle instrumentar, vridd og i sin naturlege form. Temaet er islam og austleg kultur, på tross av Bryn Jones aldri reiste dit. For han var det unødvendig å vitje midtausten for å føle sympati med innbyggjarane. Den store produksjonen gjorde det òg mogleg for å han å gje ut dagsaktuelle plater og låter, som fulgte hendingane i midtausten etterkvart som dei utvikla seg. Produksjonen var faktisk så enorm, at enno er ikkje alle platene komen ut - 10 år etter at komponisten døde i januar 1999, 37 år gamal.

Muslimgauze er ei ubeskriveleg oppleving. Perfekt for seine somarkvelder eller når haustmørket sett inn. Det er musikk som kompromisslaust definerar stemninga rundt seg. Om du aldri har høyrd noise, eller du har sterke motforestillingar mot det, er dette komponisten som bør få deg til å kaste alle fordommar til side. Muslimgauze, mine vennar, er obligatorisk.

Muslimgauze er obligatorisk om enn berre for dei herlege titlane han presterte å levere. Titlar som Mullah Said, Gulf Between Us, Azzazin, Tandoor Dog, Muslim Profit, Sari of Aciddic Colours, Vampire in Tehran og Sikh Out. Til neste møte i moskeen forventar eg at du har nytta minst ein halvtime med å gjere deg kjend med Muslimgauze. Det var alt.

2 kommentarer:

  1. Muslimgauze har jeg ikke hørt mye på, men det jeg har hørt har jeg likt.

    Men dersom vi, av respekt for Mullahen skal anbefale muslimsk, eller islamsympatiserende musikk, vil jeg gjerne trekke frem et ypperlig metalband fra bahrain. Narjahanam er steinhard death metal med utstrakt bruk av arabiske tekster, arabiske instrumenter og harmonier.

    http://www.myspace.com/narjahanam
    (men om man kan få tak i det vil jeg varmt anbefale albumet deres: Undama tath'hur al shams mn al gharb)

    SvarSlett
  2. Eg likar ikkje luftureining... så eg held meg unna Death Metal av prinsipp... uansett kor arabisk det er.

    Gå og høyr på Muslimgauze no, Thule. Du får kjøpt det lett på emusic.com, DRM-fritt.

    SvarSlett