tysdag 22. september 2009

Uforfalska sanning til sals!

Hugser de den veldig ansvarlege redaktøren Frank Aune? Du veit, han som "avslørte" underjordiske basar, etter at det var gamalt nytt blant hans likesinna. Du veit han som nytta ITpro til å fortelje deg sanninga om 11. september og meire til.

Det er dei som fryktar at det vart stille etter dette på ITpro, men i stadenfor har han eller valt å konsentrere seg om eit av sine underbruk - det vidunderlege "Nyhetsspeilet". Ei samleside der folk med begrensa grep på den offisielle røynda pådytta dei av grå skuggar i Illuminati kan publisere heilt sanne nyhende. Her får du alt MSM - mainstream media - nekter å gje deg! Nyhetsspeilet er ein av 6 sider som inngår i Frank Aune sitt enorme medieimperium. Og merkeleg nok den einaste sida som vert utelatt frå omtale når han no prøver å selje seg til høgst bydande.

Ja, du høyrde rett. ITpro, og tilhøyrande underbruk, er no til sals. Frank Aune etterlys no pengesterke partnarar som vil kjøpe seg inn i eller å ta over sidene og dei mange brukarane av dei. "Salspitchen" fokuserar gjerne på dei meir nerdete aktivitetane, og ikkje så mykje på dei meir sanningssøkjande. Så ein eller annan mediebedrift der ute kan snøgt verte overraska over å ikkje berre ha kjøpt sider om dataspel og datateknologi, men òg eit nettverk av folk som er veldig opptatt av å fortelje deg korleis du kan nå eit høgare nivå av medvite, kvifor du ikkje skal vaksinere dine barn og, ikkje minst, at vår regjering er styrt av Illuminati. Her er det stort potensial for å krydre din medieportefølje, så eg satsar sterkt på at ABCnyheter eller VG vil kjøpe opp ei uttømmeleg kjelde for siste nytt om UFOar, handspåleggjing og verdas undergang i 2012.

Eg vurderar nesten å komme med bud sjølv. Er det nokon som har lyst til å vere med å spytte i for eit alternativt medieimperium? Om du lurar på kva du får for pengene, så smak på denne godsaka frå den frykeleg ansvarlege redaktøren Frank Aune.

4 kommentarer:

  1. Jeg liker selvpresentasjonen best.

    Ellers driver jeg ikke med kjøp og salg med folk som ikke har et visst merke...

    SvarSlett
  2. Eit forståeleg motargument, sjølvsagt. Ein skal ikkje handle med kreti og pleti... men eit medieimperium er jo ikkje å forakte.

    SvarSlett
  3. Pass på så ikke artikkelen du lenker til nedest kommer stifteren av partiet "Månen er en gul ost" for øyet!

    Det er dette med å ta livsløgnen fra folk.

    SvarSlett
  4. Partiformannen er nok opptatt med bladinnspurt, så han har ikkje tid til å lese bloggar og trykkje på lenker ;-)

    SvarSlett