fredag 19. mars 2010

Reinkarnerande fotokunst


Nei, Adolf Hitler er nok ikkje attfødd heilt enno. Ikkje som eg veit i alle fall. Sjølv om han nok vert det, då hans arbeid i Kali Yuga etter alt å døme ikkje er over om ein skal tru stemmane som kviskrar meg i øyret om natta. Dette er faktisk Faustina, dottera til dansk-norske Nina Maria Kleivan, som relativt fersk modell. Dette er ein del av ein fotoserie, der den eitt år gamle jenta er kledd opp som Mussolini, Mao, Stalin og Doffen. Representantar for meir eksentriske politiske utskeiingar i det 20. århundret. Av det meir eller mindre sjarmerande slaget. Draktene vart sydd av mora medan ho var invalidisert etter fødselen.

Vi kan berre anta at det er latent sinne og frustrasjon over ein problematisk fødsel som kjem til uttrykk i desse fotografia som desse dagar vekker merksemd i mellom anna Haaretz og The Guardian.

Så nei, det er ikkje Doffen som er reinkarnert, men heller eit kunstverk. For dette verket, Potency, vart skapt i år 2000 og Faustina er no 11 år gamal. Det tok altså pittelitt tid før media oppdaga bileta. Eller så har dei berre hatt dei liggjande i "potensiell skandale"-mappa si til ein stille dag i kunstverda.

Uansett; sei kva du vil om bileta, men det er kjekt å sjå ei mor som vel å kle ungen sin opp i litt meir stilfulle klede enn dei vanlege babykostyma. This is more like it, som dei seier på finspråket. Vart inspirert til å produsere born sjølv no.

Ingen kommentarer:

Legg inn en kommentar