måndag 22. mars 2010

Rop ut! Du er her!

Sosiale media.

Facebook.

Myspace.

Friendster.

Twitter.

Blogging.

Det handlar om å dele. Det handlar om å vise seg sjølv fram for alle andre. Eit høgt skrik til ei overbefolka verd, ei klode fylt til randen av ei skrikande masse, om at her er du! Du eksisterar! Her og no, i denne kort stund! Når du delar dine desperate rop, kan du vel òg dele dine gledeshyl? Ijustmadelove.com let deg gjere det.

Legg att ein pin på kartet der du nett har kopulert. Skriv eit par ord om korleis det var. Kryss av for posisjonar og parsamansetning, samt om det var innandørs, utandørs, i ein bil eller i ein båt.

Og så kan du leggje att lenka til den store hendinga i bloggen her. Kor kult er ikkje det?

Med dette har sosiale media tatt att reality-fjernsyn som det ultimate uttrykket for vår postsiviliserte kultur. Vår kollektive primale bøn om merksemd frå eit tomt univers.


Eg diggar det.

2 kommentarer:

  1. Need soylent green!

    SvarSlett
  2. Also; think it would only be fair to add the option of taking advantage of oneself.

    SvarSlett