tysdag 18. mai 2010

Alan har vakna...

Eller søv kanskje Alan framleis. Er det berre eit mareritt?

Av alle ting som kan distrahere mullaen på underhaldningsfronten for tida, og det er ikkje så lite om ein ser på bunken med spel, bøkar og filmar som ligg her og ventar på å verte brukt, så har dei siste dagane blitt slukt av Alan Wake.
Alan Wake er ikkje ei bok, sjølv om utgåva eg kjøpte inneheld ei bok. Det er eit spel, godt inspirert av Lovecraft, Twin Peaks, Twilight Zone og alt anna som er godt, frå dei gærne finnane som gav oss Max Payne. Dette er hardkokt psykologisk thriller, som gjev mullaen gode gysningar her han til stadig snik seg unna arbeidet for å kravle gjennom mørke skogar i staten Washington. Alan Wake er ein forfattar av type Stephen King, som har slitt med skrivesperre. Han og kona reiser vekk for å rydde opp i det, men før han veit ordet av det er han i eit mareritt han sjølv har skapt. Ei historie han ikkje hugser å ha skrive vert realitet rett framfor han. Han må følgje historia til si endelege slutt om han skal ha von om å redde si kone.


Ikkje så mange vitsar om temaet eigentleg, eg berre nerdar meg. For dei av dykk som vil ha ein smakebit, er det laga ein webserie på sex episodar som fungerar som oppvarming til serien. De kan jo sjå den, og gjere opp dykkar meining, men serien gjer ikkje særleg ære på sjølve spelet.

Følg lenkene vidare på Youtube for å sjå resten av serien. Bon apetite.

3 kommentarer:

  1. Men er det bra da? Det er jo litt annerledes i det minste, men funker det i lengden? Fått litt inntrykk av at dette spillet er mer artig enn så fantastisk som hypen vil ha det til.

    SvarSlett
  2. Kaptein Sinnsfrisk20. mai 2010 kl. 01:03

    Sex episodar?

    SvarSlett
  3. Sex episodar ja... *sleve*

    Hype bryr vi oss lite om. Eg er vel nøgd halvvegs inn i spelet. Det er ein smule einsformig, men det visste eg etter å ha lest førehandsomtalen. Historia driv interessa for å spele vidare.

    SvarSlett