torsdag 13. mai 2010

Desperate løysingar

Tida endrar seg stadig. Ein kan strengt tatt gjere lite med at verda utviklar seg. Ein må nesten tilpasse seg. Og i nokre tilfelle må ein akseptere at det ein gjorde før, ikkje lenger er mogleg, eller ikkje vil vere mogleg i framtida. Slik er det berre. Dette er kanskje mest synleg i utsatte bransjar som merkar endringar i marknaden som følgje av endra handlemønster og teknologi. Det som kanskje var ei populær vare eller verdifull teneste, kan brått verte uinteressant og utdatert. Kva gjer du då?

Ein bransje som nok har merka dette er videoutleigebutikken. DVDar er billige nok i butikken, det koster gjerne berre 40 kroner meir å kjøpe ein film til odel og eige, enn å leige den. Og om du ikkje har lyst til å kjøpe filmen, treng du likevel ikkje å gå langt for å leige - nei, eg snakkar ikkje om underfundige system for å abonnere på film gjennom posten, men om digitale leigefilmar. Ja, du kan leige filmar på internett. Og swosh, så har du filmen der. Gjerne billegare enn i butikken. Og om du verkeleg er av den gnitne sorten, så står du sjølvsagt fritt til å laste ned filmen du er nyfiken på - heilt gratis. Dette er sjølvsagt langt meir moralsk dubiøst, men det hindrar oss tydlegvis ikkje.

Kva skal den lille videoutleigebutikken gjere då? Eg har sett dei satse på pizza og bowling, men er det no ein naturleg kombinasjon med å leige film? Ja, pizzaen er kanskje, men bowling? I desperasjon tyr dei gjerne til ganske så desperate grep for å nå fram. Kampanjar og tilbod! Den tradisjonelle kjøp x for y er sjølvsagt naturleg å ha med;
Men dette er eit litt for konvensjonelt virkemiddel, og lite bransjespesifikt. Kvifor skal du leige desse filmane? Her gjeld det å tenkje enno meir nytt. Den same butikken lanserar difor følgjande tilbod:
 I gamle dagar fekk du filmen over natta. Eller kanskje to-tre dagar om du var heldig. Men er det verkeleg meir tid til å sjå filmane vi treng? Alle fem filmane om det skulle vere det? Det er jo grenser for kor mykje tull vi orker å sjå i løpet av ei veke. Butikken har svar på dette òg;
Jupp! Ny film om du seier du ikkje likte filmen! Det var dét vi trengte for å ville leige film! Gje meg meeeeeir film!

Eimen av desperasjon kom sivande ut av den store videosjappa... men det såg ut til å funke, eg såg minst ein kunde spasere inn døra. Men det kan hende ho var ute etter smågodt.

3 kommentarer:

  1. Urk, nå fikk jeg flashback til sist gang jeg var i en videosjappe. Den klaustrofobiske følelsen av hyller stappfulle av filmer uten anmeldelser og stjerneratinger fra seere, uten mulighet til å klikke på skuespiller- og regissørnavn for å få mer informasjon om dem. Uten annen info enn blurber og de få setningene forfattet skrivemaskindaskende sjimpanser betalt med peanøtter av distributøren. Videosjappas eneste konkurransefortrinn er smågodt.

    SvarSlett
  2. eller kanskje de bare burde innse at de ikke har livets rett og legge seg ned for å dø.

    SvarSlett
  3. Dei har nok ikkje livets rett, men som pandaer så vert dei haldt kunstig i live.

    SvarSlett