fredag 28. mai 2010

Eit forsvunne handkle

Det var jo som kjend den internasjonale handkledagen no på tysdag, og som eg fortalde donerte eg mitt handkle i det høvet til Bergen Offentlege Bibliotek slik at dei kunne nytte det i ei utstilling. Dagen etter fekk eg den heller besynderlege meldinga om at handkledet var stolen. Nokon hadde altså valt, omringa av bøker av ulikt slag, å forsyne seg av eit handkle først og framst.

Var det ein intergalaktisk haikar i naud? Eller var det ein boms som skulle vaske seg? Eg likar sjølvsagt å tru at det var ein av dykk mine lesarar; ein ekstra rabiat fan som følte at dei måtte vere i nærleiken av meg ved å tjuve eit av mine handkle.

Alternativet er at handkledet vart stolen av ein søt pusekatt med stort kosebehov.

Ja, eit heilt nytt liv for handkledet mitt er det iallefall, og om det ikkje er med ein pusekatt, så finnes det jo andre gode alternativ for det gode liv for eit handklede...

Ja, det er jo lov å drøyme seg vekk...

2 kommentarer:

  1. Nå var Magomed borte fra gruppa i dag, uten at det var mulig å få kontakt med ham på mobilen. Vi har alltid ment at hans dyrking av Mullahen er litt i overkant.
    Jeg vet ingenting, men frykter det verste...

    SvarSlett