onsdag 11. mai 2011

Heksa Batcheeba og slikt

Sei meg kven dine vener er, og eg skal seie deg kven du er. Det er iallefall det dei seier, og det er då eg lurar på om eg burde skaffe meg nokre nye vener. Mine vener er gjerne litt eksentriske dyr; dei lagar musikk, dei skriv, dei malar og dei spring naken rundt i små bygder og skrik etter Shub Niggurath. Eg har over tid slått meg til ro med det som openbart er uttrykk for forstyrra sinn og meir eller mindre svake psykosar. Men eg uroar meg avogtil om kva mi omgangskrets eventuelt seier om meg... eg som er så jordnær, så stabil... så... normal!

Men som mulla skal ein vere inkluderande, og inkluderande er eg. Og det vert jo fabelaktig fine resultat av desse eksentrisitetane til mine vener då. Som i dag, når talentfulle Batcheeba kunne lansere musikkvideoen til sin låt Witch.


Eit vakkert og utfordrande stemningsbilete frå ei ganske så hekseaktig dame. Det kan ein jo like?

Sjølv har eg jo eit litt anstrengt forhold til hekser og hekseri, etter at eg gjorde eit djupdykk i heksearkiva for over ti år sidan og gjorde eit lite studium av det heile. Det var noko med denne soga om deira uskuld og kyrkjas grusomme framferd som simpelthen ikkje stemte. Det var simpelthen feil... men det er vel ei soge for ei anna tid? Der dei fleste av mine vener kanskje identifiserar seg med heksa, annleis og forfølgd, har eg litt andre førebilete. Jahn Teigen til dømes. Eg har alltid likt Jahn Teigen.


Ja... eg er meir som Jahn Teigen eg...

4 kommentarer:

  1. :D Oh Takk!
    Eller burde jeg strekke en blek hånd ut av skyggene og flashe manu cornata? :P

    SvarSlett
  2. Hei, første gang jeg har hørt noe av Batcheeba! Fiinr fine videoen... Selv om jeg i ettertid tenker jeg kanskje ikke skulle sittet i et mørk rom på kvelden alene i huset for å se denne?

    Og hvorfor følelsen at jeg må kopiere denne videoen og vise den til en venn innen 7 dager for å unngå at... noe... kryper ut av monitoren min når jeg minst venter det?

    SvarSlett